تلنگانہ کے ضلع کریم نگر میں یوم جمہوریہ تقریب منعقد ہوئی۔ریاستی وزیر گنگولہ کملاکر نے کریم نگر تلنگانہ بھون میں قومی پرچم لہرایا۔پرچم لہرانے کے بعد قومی ترانہ پڑھا گیا۔
اس تقریب میں ٹی آر ایس رہنما اور کارکنان موجود تھے۔
بعد ازیں مذکورہ وزیر نے تمام کو یوم جمہوریہ کی مبارکباد پیش کی۔ انھوں نے اس موقع پر مجاہدین آزادی کی قربانیوں کو یاد کیا اور خراج عقیدت پیش کیا۔
26 جنوری کی تاریخ سیکولر دستور کے نفاذ کو یاد دلاتی ہے اور اسی طرح یہ حقیقت بھی یاد دلاتی ہے کہ یہ ملک ایک جمہوری ملک ہے، یہاں ہر ایک کو رہنے کی، اپنے مذہب پر چلنے کی، کوئی سی زبان بولنے کی، کوئی سی تہذیب اختیار کرنے کی پوری آزادی ہے۔ اس ملک میں کسی ایک تہذیب کا بڑھاوا دینا یا کسی ایک مذہب کو سب پر مسلط کرنا دستور کے خلاف ہے۔