تلنگانہ وقف بورڈ سی ای او، کورونامتاثر

محمد قاسم حیدرآباد کے ضلعی اقلیتی بہبود افسر بھی ہیں۔ مثبت جانچ کے بعد ان کے چیمبر کو سیل کردیا گیا ہے۔

حیدرآباد میں اقلیتی اداروں کے دفاتر میں کورونا کے مثبت واقعات میں اضافہ جاری ہے۔ وقف بورڈ کے چیف ایگزیکٹو آفیسر محمد قاسم کوویڈ ۔19 مثبت پائے گئے۔وہ اپنے گھر میں تنہائی اختیار کرچکےہیں، اور گھر میں زیر علاج ہیں۔

تلنگانہ اسمبلی اجلاس کے پیش نظر اسمبلی اجلاس میں شرکت کرنے والوں کے لئے کوویڈ ٹیسٹ لازمی قرار دیا گیا ہے۔ سی ای او کی موجودگی ضروری ہے کہ اجلاس سے وقف امور کے بارے میں حکومت کو اس سے متعلق سوالات کے جوابات کے بارے میں آگاہ کیا جائے۔ اس مقصد کے لئے جب قاسم نے ٹیسٹ کیا تو وہ کووڈ مثبت پائے گئے۔ انھیں گھر میں الگ تھلگ رہنے کا مشورہ دیا گیا تھا۔ وہ دو ہفتوں تک گھر پر ہی رہیں گے۔

ذرائع کے مطابق قاسم میں کوئی کورونا علامت نہیں تاہم ان کی رپورٹ مثبت آئی۔ گھریلو تنہائی میں ایسمپٹماٹک مریضوں کا علاج کیا جاتا ہے۔

محمد قاسم حیدرآباد کے ضلعی اقلیتی بہبود افسر بھی ہیں۔ مثبت جانچ کے بعد ان کے چیمبر کو سیل کردیا گیا ہے۔ ان کے آفس کو مکمل طور پر صاف کرنے کا فیصلہ کیا گیا ہے۔ اس سے وقف بورڈ اور ضلعی اقلیتی بہبود کے دفتر میں ماتحت افراد کو تشویش لاحق ہے۔

تلنگانہ وقف بورڈ کے دو کارکن جو حج ہاؤس بلڈنگ کے احاطے میں واقع ہے۔ اب تک کورونا وائرس سے دم توڑ چکے ہیں اور متعدد دیگر مثبت جانچ کے بعد گھروں میں الگ تھلگ ہیں۔ کچھ کارکنان ٹھیک نہیں ہونے کی وجہ بتاکرمارچ سے چھٹی پر ہیں۔