پولیس اکیڈمی کےمتعدد ٹرینی ملازمین کورونا مثبت

تلنگانہ پولیس اکیڈمی میں1900سے زیادہ امیدواروں کو تربیت دی جارہی ہے۔

تلنگانہ پولیس اکیڈمی میں180 ٹرینی پولیس ملازمین بھی کورونا وائرس سے متاثر ہوگئے۔ جن میں 100 سب انسپکٹرس اور 80 دیگر ملازمین شامل ہیں۔ کورونا سے متاثرہ تمام ملازمین کو الگ تھلگ کردیا گیا ہے۔

بتایا گیا ہے کورونا وائرس سے متاثر ہونے والوں میں اٹینڈر سے ڈی آئی جی سطح تک کے ملازمین اور عہدیدار شامل ہیں۔ اکیڈمی میں 1900 سے زیادہ امیدواروں کو تربیت دی جارہی ہے۔ پولیس اکیڈمی نے فیصلہ کیا کہ تمام ملازمین کے ٹیسٹ کروائے جائیں۔

حیدرآباد میں کورونا وائرس کے کیسز میں اضافے کے پیش نظر حکومت لاک ڈاون پر غور کررہی ہے۔ اس ضمن میں آج وزیر اعلی نے محکمہ صحت کے افسران کے ساتھ ہوئی میٹنگ کے بعد اشارہ دیا۔