Chicago Shooting امریکہ میں فائرنگ سے تلنگانہ کا ایک طالب علم زخمی

امریکہ کے شہر شکاگو میں فائرنگ سے زخمی طالب علم سائچرن سنگاریڈی ضلع کے رام چندر پورم کا رہنے والا ہے۔ سائی چرن امریکہ میں تعلیم حاصل کرنے گیا تھا۔

امریکہ کے شہر شکاگو میں اتوار کی رات ہونے والی فائرنگ میں تلنگانہ کا ایک طالب علم زخمی ہوگیا۔ زخمی طالب علم سائچرن سنگاریڈی ضلع کے رام چندر پورم کا رہنے والا ہے۔ سائی چرن اس مہینے کی 11 تاریخ کی صبح شکاگو گیا تھا، جہاں وہ زیر تعلیم ہے، وہ اپنے دوستوں کے ساتھ وہاں رہ رہا ہے لیکن جب وہ اتوار کی شام کو اپنے دوستوں کے ساتھ باہر جا رہا تھا تو سیاہ فاموں نے سائچرن اور اس کے دوست دیواشیش پر فائرنگ کر دی۔

فائرنگ سے وہ شدید زخمی ہو گئے، دونوں کو علاج کے لیے الگ الگ ہسپتالوں میں لے جایا گیا۔ ایک دوست کی جانب سے ان کے والدین کو شوٹنگ کے بارے میں اطلاع دی گئی۔ سائچرن کی حالت اب مستحکم ہے۔ دونوں نوجوان الگ الگ ہسپتالوں میں زیر علاج ہیں۔

قابل ذکر ہے کہ امریکہ میں فائرنگ کے واقعات روزانہ ہوتے ہیں۔ تازہ فائرنگ امریکی ریاست لوزیانا کے نائٹ کلب میں کی گئی جس میں 12 افراد زخمی ہو گئے۔ اس سے قبل ریاست کیلیفورنیا کے شہر لاس اینجلس میں اندھا دھند فائرنگ سے 10 افراد ہلاک ہو گئے تھے۔ پولیس نے بتایا کہ فائرنگ کا واقعہ ہفتے کی رات کو لاس اینجلس کے مشرق میں واقع مونٹیری پارک میں چینی نئے قمری سال کی تقریبات کے بعد پیش آیا۔