Telangana strengthening BC community ذات کے پیشوں کے تحفظ کیلئے حکومت کے اقدامات:وزیر فائنانس تلنگانہ

ہریش راؤ نے سدی پیٹ حلقہ میں 200استفادہ کنندگان میں چیکس تقسیم کئے۔ اس موقع پر خطاب کرتے ہوئے انہوں نے کہا کہ وزیراعلی کے چندرشیکھرراو نے بیشتر فلاحی پروگرام شروع کیے ہیں۔انہوں نے کہا کہ ماہی گیروں کے فائدہ کیلئے حکومت کی جانب سے تالابوں میں مفت مچھلیوں کو چھوڑنے کاکام کیاجارہا ہے جس سے ریاست میں مچھلی کی پیداوار میں اضافہ ہوا ہے۔ 600 کروڑ روپے خرچ کرتے ہوئے ماہی گیروں میں گاڑیوں کی تقسیم کی جارہی ہے۔ Telangana strengthening BC community, says Harish Rao

حیدرآباد: تلنگانہ کے وزیر فائنانس ہریش راو نے کہا ہے کہ ذات کے پیشوں کے تحفظ کیلئے حکومت اقدامات کررہی ہے جس کے لئے بی سی طبقہ کے ذات کے پیشہ وروں کو ایک لاکھ روپئے تک کی مالی مدد کے لئے اسکیم شروع کی گئی ہے اور وزیراعلی کے چندرشیکھر راو کی پہل پر بینکوں کے ذریعہ بغیر کسی ضمانت کے ایک لاکھ روپئے کے چیک استفادہ کنندگان میں تقسیم کئے جارہے ہیں۔

ہریش راؤ نے سدی پیٹ حلقہ میں 200استفادہ کنندگان میں چیکس تقسیم کئے۔ اس موقع پر خطاب کرتے ہوئے انہوں نے کہا کہ وزیراعلی کے چندرشیکھرراو نے بیشتر فلاحی پروگرام شروع کیے ہیں۔انہوں نے کہا کہ ماہی گیروں کے فائدہ کیلئے حکومت کی جانب سے تالابوں میں مفت مچھلیوں کو چھوڑنے کاکام کیاجارہا ہے جس سے ریاست میں مچھلی کی پیداوار میں اضافہ ہوا ہے۔ 600 کروڑ روپے خرچ کرتے ہوئے ماہی گیروں میں گاڑیوں کی تقسیم کی جارہی ہے۔

انہوں نے کہا کہ ماڈل دھوبی گھاٹ کی تعمیر کا کام سدی پیٹ میں شروع کیا گیا ہے اس کی نظیر کسی دوسرے حلقہ میں نہیں ملتی۔انہوں نے یاد دلایا کہ سدی پیٹ میں پلاسٹک سے پاک سماج کی تعمیر کے لیے 2 کروڑ 20 لاکھ روپے سے مٹی کے برتنوں کی تیاری کا ایک ماڈل پروجیکٹ شروع کیا گیا ہے۔ ریاست میں تلنگانہ کی تشکیل سے پہلے صرف 330 رہائشی اسکولس تھے، لیکن اب حکومت نے اس تعداد کوبڑھا کر1012کردیا ہے۔

یو این آئی