کووڈ۔19 کا پلازما تھراپی سے علاج کرنے کی تجویز

تلنگانہ نے کووڈ۔19 کا علاج پلازما تھراپی سے کرنے کے سلسلہ میں انڈین کونسل آف میڈیکل ریسرچ کو تجویز پیش کی ہے۔

ریاستی وزیر صحت ای راجندر نے پریس کانفرنس سے خطاب کرتے ہوئے کہا کہ کورونا وائرس سے صحتیاب ہونے والوں کے خون کا پلازما کو استعمال کرتےہوئے دیگر مریضوں کے علاج کے سلسلہ میں آئی سی ایم آر کو خط لکھا گیا ہے۔

انہوں نے پلازما تھراپی پر روشنی ڈالتے ہوئے کہاکہ ’اس تھراپی کےتحت کووڈ۔19 سے صحتیاب ہونے والے افراد کا خون حاصل کیا جاتا ہے اور اس خون سے پلازما کو الگ کیا جاتا ہے جبکہ یہ پلازما کو دیگر مریضوں کو چڑھایا جاتا ہے، تاہم ملک میں اس تھراپی کی اجازت نہیں ہے، اسی لیے ہم نے آئی سی ایم آر سے اس سلسلہ میں اجازت طلب کی ہے‘۔

ای راجندر نے کہا کہ آئی سی ایم آر علاج کے فوائد، نقصانات کے علاوہ دیگر پہلوؤں کی تحقیق کے بعد ہماری سفارش پر کوئی فیصلہ کریگا۔