آر ٹی سی ملازمین کو فروری کے دوسرے ہفتے میں بھی تنخواہیں ادا نہیں کی گئیں جس سے آر ٹی سی ملازمین پریشان ہیں۔ جاریہ ماہ 13 فروری گزر جانے کے باوجود ملازمین تنخواہوں سے محروم ہیں۔
ذرائع کے مطابق آر ٹی سی کے پاس تنخواہوں کیلئے 20 کروڑ روپئے ہیں ۔ باقی 100 کروڑ محکمہ فینانس سے جاری ہونا ہے۔ بجٹ میں حکومت سے آر ٹی سی کیلئے مختص رقم تنخواہوں پر خرچ ہورہی ہے۔
اس ماہ محکمہ فینانس سے فنڈز کی اجرائی میں تاخیر ہوئی۔ گزشتہ کے بہ نسبت آر ٹی سی مسافرین کی تعداد میں اضافہ ہوا ہے۔ یومیہ آر ٹی سی کو 12 کروڑ کی آمدنی ہورہی ہے۔ تنخواہوں کیلئے آر ٹی سی کے پاس 20 کروڑ روپئے محفوظ ہیں۔ گزشتہ ماہ بھی یہی صورتحال تھی جس سے چند ملازمین کو پہلے اور حکومت کی جانب سے فنڈز کی اجرائی کے بعد ماباقی تنخواہیں ملازمین کو فراہم کی گئی تھیں جس سے ملازمین میں بھی بے چینی پھیل گئی تھی۔