حیدرآباد میں تین منشیات فروش گرفتار

تلنگانہ پولیس نے حیدرآباد میں تین منشیات فروشوں کو گرفتار کیا اور ان سے 10.18 لاکھ روپے کی منشیات برآمد کی۔ گرفتار افراد کی شناخت نکھل شینائے، فیض میواتی اور مہروز خان کے نام سے ہوئی ہے۔

پولیس نے جمعرات کے روز حیدرآباد میں تین منشیات فروشوں کو گرفتار کیا اور 10.18 لاکھ روپے کی منشیات برآمد کی۔

ایک سرکاری بیان کے مطابق کمشنر کی ٹاسک فورس، ویسٹ زون ٹیم، حیدرآباد ٹیم نے نکھل شینائے، فیض میواتی اور مہروز خان کو گرفتار کرلیا جو ایم ڈی ایم اے، ایل ایس ڈی بلوٹس، ایکسٹیسی پلز، ویڈ اور ہیش آئل جیسی منشیات غیر قانونی طور پر قبضے میں رکھتے تھے۔ اس کے ساتھ سکندرآباد کے علاقے ایسٹ ماریدپلی کے ایک فلیٹ سے بھی منشیات برآمد کی گئی۔

پولیس نے ان کے قبضہ سے 10 گرام ایم ڈی ایم اے، 70 ایل ایس ڈی بلوٹز، 60 ایکسٹسی پلز، 1.4 کلو گرام ویڈ اور ہیش آئل اور 11 کلو گرام ویڈ کے ساتھ تین سیل فون بھی ضبط کیے۔

پولیس نے مزید کہا کہ ضبط شدہ مواد کے ساتھ ملزموں کو مزید تفتیش کے لئے حیدرآباد کے تکارم گیٹ پولیس اسٹیشن کے اسٹیشن ہاؤس آفیسر کے حوالے کردیا گیا۔