عوامی مقام پر ماسک پہننا لازمی ہوگیا ہے اور اگر کوئی شخص اس کی تعمیل نہ کرتے ہوئے پایا جائے تو اسے ایک ہزار روپئے جرمانہ ادا کرنے ہوگا، اس سلسلہ میں تلنگانہ حکومت کی جانب سے احکامات جاری کئے گئے ہیں۔
کورونا وائرس سے نمٹنے کےلیے عوامی مقامات پر ہر شخص کو اپنے چہرہ پر ماسک لگانا ضروری ہوگا جبکہ ہر خلاف ورزی پر ایک ہزار روپئے جرمانہ ادا کرنا ہوگا۔
قبل ازیں حکومت نے لاک ڈاون میں 29 مئی تک توسیع کرتے ہوئے اورینج اور گرین زونس میں کچھ سرگرمیوں کی اجازت دی تھی۔
ان علاقوں کے دفاتر میں ملازمین کی 33 فیصد حاضری کی اجازت دی گئی ہے۔
مرکز نے گرین اور اورینج زونمیں جن دکانات کو کھلی رکھنےکی اجازت دی ہے ریاست تلنگانہ میں بھی اجازت برقرار رہے گی۔ منڈل مستقر اور گرام پنچایتوں میں دن کے وقت پچاس فیصد دکانوں کو کھلے رکھنے کی اجازت دیدی گئی ہے۔