HM Mahmood Ali تلنگانہ حکومت مسلمانوں کے چار فیصد ریزرویشن کے لئے سنجیدہ

ریاستی وزیر داخلہ محمد محمود علی نے اپنے ایک پریس ریلیز میں کہاکہ حکومت تلنگانہ،مسلمانوں کے 4 فیصدریزرویشن کی بقاء کے لئے سنجیدہ ہے۔اسی لیے حکومت تلنگانہ نے سپریم کورٹ میں اس کیس کی پیروی کے لیے تجربہ کار اورسینیر وکلا کو مقرر کیا ہےHM Mahmood Ali

تلنگانہ کے وزیر داخلہ محمد محمود علی نے کہا کہ وزیراعلیٰ کلوا کنٹلا چندرا شیکھر راؤ مسلمانوں کے موجودہ چار فیصد ریزرویشن کو برقرار رکھنے کے لئے کافی سنجیدہ ہیں۔اسی لئے وزیر اعلیٰ سپریم کورٹ میں مسلم ریزرویشن کے لئے متعین شدہ وکلا ڈاکٹر راجیو دھون، راکیش دویویدی اور دیگر معاونین وکلا سے مسلسل رابطہ میں ہیں اور کیس کا جائزہ لے رہے ہیں۔Telangana Home Minister Mahmood Ali Says Govt Serious About Reservation For Muslim

وزیر موصوف نے کہا کہ سپریم کورٹ نے تلنگانہ وکلا کو اس موضوع پر بحث کے لئے آٹھ گھنٹے تفویض کئے ہیں۔مقرر شدہ وکلا اس کیس کوسنجیدگی سے حل کرنے کی کوشش میں مصروف ہیں۔ڈاکٹر راجیو دھون اور راکیش دویویدی کو بطور اسسٹنٹ سپریم کورٹ کے دومسلم وکلا شمس الدین اور نظام الدین کو مقرر کیا گیا ہے تاکہ کیس کی پوری شدت کے ساتھ پیروی کی جاسکے۔ اور موجودہ مسلم ریزرویشن(Reservation For Muslim) کو برقرار رکھا جاسکے۔

انہوں نے کہا کہ حکومت تلنگانہ اس کیس کو حل کرنے میں کافی سنجیدہ ہے۔وزیر داخلہ محمد محمود علی نے کہا کہ اس کیس کو حل کرنے اور کامیابی حاصل کرنے کے لئے ماہرین وکلا اور قانون سازوں سے مشاورت جارہی ہے۔حکومت تلنگانہ نے ریاست میں مسلمانوں کی حالت کی حقیقیت کو منظر عام پر لانے کے لئے سدھیر کمیشن قائم کیا۔

رپورٹ میں بتایا گیا ہے کہ تلنگانہ ریاست میں مسلمانوں کی مجموعی حالت ایس سی، ایس ٹی طبقات سے بھی کمتر ہے۔حکومت تلنگانہ ، سپریم کورٹ میں مسلمانوں کے ریزرویشن کو برقرار رکھنے میں ہر ممکن کوشش کررہی ہے۔