تلنگانہ: احتیاطی تدابیر کے ساتھ ہیئرسیلونس کھل گئے

تلنگانہ میں طویل لاک ڈاؤن کے بعد بالآخر ہیئر سیلونس کو کھولنے کی اجازت دی گئی- سیلونس کھلنے پرعوام نے راحت کی سانس لی- تقریبا دو ماہ سے عوام بال تراشنے کا انتظار کر رہے تھے لیکن لاک ڈاؤن کے دوران سیلونس کھولنے کی اجازت نہیں تھی- سوشل میڈیا پر سیلونس کے ذریعے کورونا وائرس کے پھیلنے کی افواہ کے باعث 19 مئی کو لاک ڈاؤن میں نرمی اور سیلونس کھلنے کے باوجود عوام بال تراشنے سے گریز کرتے نظر آئے-

کورونا وائرس کے پیش نظر سیلونس مالکان نے کورونا سے بچنے کے لئے احتیاطی تدابیر بھی اختیار کرتے نظر آئے۔ تمام سیلونس پر ہینڈ سانٹائزر، دستانے اور ماسک لگا کر بال تراشتے نظر آئے جس کی وجہ سے لوگوں نے اطمینان ظاہر کرتے ہوئے سیلونس کا رخ کیا۔

سیلونس مالکان نے بتایا کہ وہ ہر ہیئر کٹ کے بعد قینچی، استراء و کنگھی کو سینیٹائز کر رہے ہیں تاکہ تحفظ کو برقرار رکھا جا سکے۔ علاوہ از یں دکان میں گاہکوں کے بیٹھنے پر بھی پابندی ہے۔ گاہکوں کو یک بعد دیگرے دکان میں داخل ہونے کی اجازت دی جارہی ہے۔