تلنگانہ: نلہ ملہ جنگلات میں لگی آگ پر قابو پا لیا گیا

تلنگانہ کے ناگر کرنول ضلع کے نلہ ملہ جنگلات میں لگی آگ پر قابو پالیا گیا۔ کل رات اس جنگل میں اچانک آگ لگ گئی تھی تاہم، محکمہ جنگلات کے عہدیداروں نے اس پر کافی جدوجہد کے بعد قابو پا لیا۔

موسم گرما کی شروعات کے ساتھ ہی آگ لگنے کے واقعات بھی بڑھ گئے ہیں۔ تازہ واقعہ ریاست تلنگانہ ضلع ناگر کرنول کے نلہ ملہ جنگلات میں پیش آیا۔ تاہم اب اس آگ پر قابو پالیا گیا ہے۔ حیدرآباد۔سری سیلم شاہراہ پر آکٹوپس ویو پوائنٹ سے نیلارم تک یہ آگ کل شب تقریباً دس بجے دیکھی گئی تھی۔

تلنگانہ: نلہ ملہ جنگلات میں لگی آگ پر قابو پالیا گیا

تقریباً 12 ہیکٹیئرس پر یہ آگ پھیل گئی تھی۔ اطلاع ملتے ہی محکمہ جنگلات اور فائر بریگیڈ کے چوکس اہلکار وہاں پہنچے اور آگ بجھانے کی کوششوں کا آغاز کردیا۔ آگ کے کافی پھیلنے کی وجہ سے ان کو اسے بجھانے میں کافی مشکل صورتحال کا سامنا کرنا پڑا۔

تلنگانہ: نلہ ملہ جنگلات میں لگی آگ پر قابو پالیا گیا

آگ کے ساتھ ساتھ کثیف دھواں بھی دیکھا گیا۔ رات ہونے کی وجہ سے بھی اس کام میں دشواریاں پیداہوئیں۔ دومل پیٹ رینج کے عہدیداروں نے بتایا کہ تقریباً ایک بجے شب آگ پر قابو پالیا گیا۔ تاہم آگ لگنے کی وجہ اب بھی معلوم نہ ہوسکی۔