Politics in Telangana تلنگانہ کانگریس کی سیاسی امور کمیٹی کا اتوار کو اجلاس

ریاست تلنگانہ میں اس سال کے اواخر میں اسمبلی انتخابات منعقد ہونے والے ہیں جس کے پیش نظر حکمراں پارٹی سمیت تمام سیاسی پارٹیوں کی سرگرمیوں کا آغاز ہوچکا ہے۔ Politics in Telangana

حیدرآباد: تلنگانہ کانگریس سیاسی امور کمیٹی کا اجلاس اتوار کو منعقد کیا جائے گا جس میں ریاست میں پارٹی کو نچلی سطح سے مستحکم کرنے، عوامی مسائل سے واقفیت اور چندر شیکھرراو زیرقیادت بی آر ایس حکومت کی ناکامیوں کو اجاگر کرنے کیلئے نکالی جانے والی بس یاترا کے شیڈول پر تبادلہ خیال کی توقع ہے۔ اس اجلاس میں مجوزہ یاترا کے روٹ میاپ کو بھی حتمی شکل دیئے جانے کی توقع ہے۔

تلنگانہ اسمبلی انتخابات جاریہ سال کے اواخر میں ہونے والے ہیں، اسی کے پیش نظر ریاست میں کانگریس خود کو مستحکم کرنے میں مصروف ہے۔ پڑوسی ریاست کرناٹک میں حال ہی میں پارٹی کی کامیابی سے تلنگانہ میں پارٹی کے لیڈروں کے حوصلہ بڑھ گئے ہیں اور وہ چندر شیکھرراو حکومت کی ناکامیوں کو اجاگر کرنے کیلئے عوام کے درمیان جانے کے ساتھ ساتھ ریاستی حکومت کے خلاف جارجانہ مہم چلانے کا منصوبہ رکھتی ہے۔ ان انتخابات کے سلسلہ میں ایکشن پلان کی تیاری کی جارہی ہے۔

پارٹی عوام میں یہ احساس پیدا کرنے کی کوشش کررہی ہے کہ پارٹی کے تمام لیڈران متحد ہیں۔ یہ بس یاترا کہاں سے کہاں تک ہوگی اور اس میں کون کونسے لیڈران شرکت کریں گے، اس پر اتوار کو سیاسی امور کی کمیٹی کے اجلاس میں تفصیلی طور پر تبادلہ خیال کرتے ہوئے فیصلہ کیا جائے گا۔ پارٹی کیڈر میں جوش وخروش کیلئے تلنگانہ کانگریس کوششیں کررہی ہے اور ساتھ ہی اس بس یاترا کے ذریعہ ہائی کمان کو یہ پیام دینے کی بھی کوشش کی جارہی ہے کہ پارٹی کے تمام لیڈران متحد ہیں۔

یو این آئی