Mosque In Telangana Secretariat تلنگانہ سیکریٹریٹ میں مسجد کا افتتاح

تلنگانہ کے وزیراعلیٰ چندر شیکھر راو نے سیکریٹریٹ کمپلیکس میں مسجد ،مندر اور چرچ کا افتتاح کرتے ہوئے کہاکہ تلنگانہ ملک کی واحد ریاست ہے جہاں سیکولر کی جڑیں سب سے زیادہ مضبوط ہیں۔ ہماری ریاست کی خوشحالی اور ترقی کی سب سے بڑی وجہ ہے۔

حیدرآباد:ریاست تلنگانہ کے وزیر اعلیٰ چندر شیکھر راو نے مسجد کا افتتاح کرتے ہوئے کہاکہ ہماری ریاست پورے ملک میں سیکولرزم کے لئے مشہور ہے۔ تلنگانہ ملک میں سیکولرزم کا علمبردار ہے۔ اس سے اچھی بات اور کیا ہوسکتی ہے کہ اسمبلی کمپلیکس میں مسجد، مندر اور چرچ موجود ہے جہاں تمام مذاہب کے لوگ عبادت کر سکتے ہیں۔

وزیراعلیٰ چندرشیکھر راو نے کہا کہ بہت خوشی کی گھڑی ہے، اللہ کے گھر میں کھڑا ہو کر کچھ کہنے میں ڈر لگتا ہے۔ لیکن تقریر شروع کرنے سے پہلے مفتی صاحب سے بات چیت ہوئی تھی انہوں نے کہاکہ اس تقریب میں آپ کو ہی بولنا ہے۔ ان کی حوصلہ افزائی کی وجہ سے مجھ میں ہمت آئی۔

اہوں نے کہاکہ سکریٹریٹ میں تعمیر کردہ دو مساجد پہلے سے کئی گنا بہتر تعمیر کی گئی ہیں۔ مجھے اس بات کی خوشی ہے کہ یہ شاہی مسجد اس زمانے میں نظام کے لئے بنائی گئی تھی اسی طرز پر ان مساجد کی تعمیر عمل میں لائی گئی۔

تلنگانہ سیکریٹریٹ کی نئی عمارت میں تعمیر کردہ دو مساجد کی افتتاحی تقریب کے موقع پر گورنر تملسائی سندر راجن،وزیراعلیٰ چندر شیکھر راو اور صدر مجلس بیرسٹر اسدالدین اویسی ، فلور لیڈر اکبر الدین اویسی کے علاوہ علماء کرام موجودرہے ۔