تلنگانہ: وزیراعلی کا جلسہ، وزرا نے ہیلی کاپٹر کے ذریعہ انتظامات کا جائزہ لیا

حضورآباد میں ہونے والے جلسہ کے سلسلہ میں انتظامات کا اعلی عہدیداروں کے ساتھ چیف سکریٹری اوروزیر ہریش نے جائزہ لیا۔ اس اجلاس میں ریاستی وزیر گنگولہ کملاکر،مختلف محکمہ جات کے عہدیداروں اورعوامی نمائندوں نے شرکت کی۔

تلنگانہ کے وزیراعلی کے چندرشیکھرراو کی جانب سے اس ماہ کی 16تاریخ کو حضورآباد میں دلت بندھو اسکیم کے آغاز کے سلسلہ میں منعقد کئے جانے والے جلسہ کے انتظامات کا چیف سکریٹری سومیش کمار،وزرا ہریش راواور گنگولہ کملاکر نے جائزہ لیا۔

ہریش راو ریاستی دارالحکومت حیدرآباد سے ہیلی کاپٹر کے ذریعہ حضورآباد پہنچے۔ چیف سکریٹری، ضلع کلکٹراور دیگر عہدیداروں نے ان کا استقبال کیا۔

بعد ازاں حضورآباد میں ہونے والے جلسہ کے سلسلہ میں انتظامات کا اعلی عہدیداروں کے ساتھ چیف سکریٹری اوروزیر ہریش نے جائزہ لیا۔ اس اجلاس میں ریاستی وزیر گنگولہ کملاکر،مختلف محکمہ جات کے عہدیداروں اورعوامی نمائندوں نے شرکت کی۔

یواین آئی