چارمینار مندر سے بی جے پی کی انتخابی مہم کا آغاز

گریٹر حیدرآباد میونسپل کارپوریشن انتخابات یکم مئی کو ہوں گے جبکہ شہر میں انتخابی مہم کا زور و شور سے آغاز ہوگیا ہے اور تمام سیاسی پارٹیاں عوام کو راغب کرنے کےلیے حکمت عملی تیار کر رہی ہیں۔

تلنگانہ بی جے کے صدر بنڈی سنجے نے آج تاریخی چارمینار کے قریب واقع مندر پہنچ کر پوجا کی اور انتخابی مہم کا آغاز کیا۔ انہوں نے اس موقع پر اپنے حامیوں سے بھی ملاقات کی۔

اس موقع پر قانون ساز کونسل کے رکن رام چندر راؤ نے دعویٰ کیا کہ جی ایچ ایم سی انتخابات میں بی جے پی کی جیت ہوگی اور میئر بی جے پی کا ہوگا۔ انہوں نے وزیراعلیٰ پر سخت تنقید کرتے ہوئے ان پر غلط بیان دینے کا الزام عائد کیا۔

چارمینار مندر سے بی جے پی کی انتخابی مہم کا آغاز

انہوں نے کے سی آر کو کھلے عام مباحث کا چیلنج دیتے ہوئے کہا کہ بی جے پی صدر مباحث کےلیے تیار ہیں۔ انہوں نے اس موقع پر مجلس پر بھی تنقید کی۔ اس موقع پر بی جے پی کارکنوں کی جانب سے خوب نعرہ بازی کی گئی۔