جنسی طورپر ہراساں کرنے کے الزام میں چائے فروش گرفتار

حیدرآباد میں شادی کے نام پر نابالغ لڑکی کو جنسی طور پر ہراساں کرنے پر ایک چائے فروش کو گرفتار کیا گیا ہے۔ پولیس نے کہا کہ وہ اس لڑکی سے تقریبا ایک سال سے رابطے میں تھا اور وہ جنسی استحصال کے موقع کا منتظر تھا۔

ریاست تلنگانہ کے حیدرآباد میں شادی کے نام پر نابالغ لڑکی کو جنسی طور پر ہراساں کرنے پر ایک چائے فروش کو گرفتار کیا گیا ہے۔

پولیس کا کہنا ہے کہ 20 سالہ سائی کرن، حیدرآباد کے ونستھلی پورم میں مقیم تھا۔ اس نے اسی علاقہ کی لڑکی کو شادی کا لالچ دیا اور 14 جولائی کو اسے ونستھلی پورم کی ایک عمارت میں لے گیا جہاں اس نے لڑکی کا جنسی استحصال کیا۔

پولیس نے کہا کہ وہ اس لڑکی سے تقریبا ایک سال سے رابطے میں تھا اور وہ جنسی استحصال کے موقع کا منتظر تھا۔ متاثرہ کی شکایت پر پولیس نے تعزیرات ہند کی مختلف دفعات کے تحت ایک معاملہ درج کرلیا۔

پولیس نے کہا کہ ملزم اس سے پہلے بھی دو معاملات میں ملوث رہا ہے۔

واضح رہے کہ پولیس نے سائی کمار کو گرفتار کرکے عدالت میں پیش کر دیا ہے۔

یو این آئی