تاریخی مکہ مسجد میں تراویح کا روح پرور منظر

رمضان المبارک کا چاند نظر آتے ہی مسجدوں کی رونقوں میں اضافہ ہو گیا ہے۔ شہر حیدرآباد کی تاریخی مکہ مسجد میں نماز تراویح ادا کی گئی۔ اس دوران فرزندان توحید نے ماسک اور سماجی فاصلے اور کورونا کی گائیڈ لائنز کا خاص خیال رکھتے ہوئے نماز ادا کی۔

مکہ مسجد کے امام و خطیب محمد رضوان قریشی نے تراویح کی نماز پڑھائی۔ تراویح کی نماز کا وقت 9:15 تھا۔ روزانہ 3 پارے کی تلاوت کی جارہی ہے۔

بڑی تعداد میں مصلیان نے سماجی فاصلہ کو برقرار رکھتے ہوئے نماز تراویح ادا کی۔

واضح رہے کہ پچھلے سال رمضان المبارک میں تاریخی مکہ مسجد میں نماز تراویح ادا نہیں کی گئی تھی، صرف پانچ مصلیوں کو نمازوں ادا کرنے کی اجازت دی گئی تھی۔ لیکن اس سال کورونا ایس او پیز پر عمل کرتے ہوئے نماز تراویح کی ادائیگی کی جا رہی ہے۔

تاریخی مکہ مسجد میں تراویح کی نماز

غورطلب ہے کہ مکہ مسجد میں بیک وقت 20 ہزار مصلیان نماز ادا کرسکتے ہیں۔ مسجد کے تزئین کاری کا کام جاری ہے۔

تاریخی مکہ مسجد میں تراویح کا روح پرور منظر

وضو ہاوس کا کام ابھی مکمل نہیں ہوں، جس کی وجہ سے مصلیان کو وضو کے لیے دشواری ہوررہی ہیں۔

مسجد کے اطراف پولیس کے سخت بندوبست کیے گیے تھے۔ مسجد آنے والے مصلیان میں ماسک بھی تقسیم کیا گیا۔