حیدرآباد: کانگریس تلنگانہ میں حکومت بنانے کی تیاری میں ہے۔ ایک طرف یہ زوردار مہم چلائی جا رہی ہے کہ تلنگانہ کانگریس صدر ریونت ریڈی وزیراعلی کی حیثیت سے حلف لیں گے، لیکن کانگریس قیادت کی طرف سے ابھی تک کوئی واضح بیان سامنے نہیں آیا ہے۔
تمام کانگریس اراکین اسمبلی نے حیدرآباد کے ایک ہوٹل میں میٹنگ کی۔ اس اجلاس میں ایک قرارداد منظور کی گئی جس میں سی ایل پی لیڈر کے انتخاب کا فیصلہ کانگریس صدر صدر ملکارجن کھرگے کو سونپا گیا۔ اس کی حمایت سینئر لیڈر اور رکن اسمبلی بھٹی وکرمارکا، رکن اسمبلی سیتاکا اور دیگر اراکین اسمبلی نے کی ہے۔ اب اس تعلق سے ہائی کمان کو ہی فیصلہ کرنا ہے۔ اس لیے وزیر اعلیٰ کے انتخاب کے بارے میں اب تک کوئی وضاحت نہیں ہے۔ کانگریس ذرائع کا کہنا ہے کہ پیر کو حلف برداری کی تقریب نہیں ہو سکی ہے کیونکہ نئے وزیر اعلی کے انتخاب کے بارے میں کوئی وضاحت نہیں ہے۔
کرناٹک کے نائب وزیر اعلیٰ ڈی کے شیوکمار قیادت کے ساتھ سی ایل پی لیڈر کے انتخاب پر بات چیت کے لیے دہلی روانہ ہو گئے ہیں۔ ہائی کمان سے فیصلہ ہونے کے بعد ہی کانگریس قائدین گورنر سے ملاقات کریں گے تب ہی وزیراعلیٰ کی حلف برداری کے بارے میں وضاحت ہوگی۔ کانگریس اراکین اسمبلی ہائی کمان کے فیصلے کا انتظار کر رہے ہیں۔
مزید پڑھیں: جانئے کون ہیں ریونتھ ریڈی، جنہیں تلنگانہ میں کانگریس کی جیت کا کریڈٹ دیا جا رہا ہے
قبل ازیں راج بھون میں وزیر اعلیٰ کی حلف برداری کی تقریب کے انتظامات مکمل کر لیے گئے تھے کیونکہ اتوار کو اعلان کیا گیا تھا کہ حلف برداری پیر کو ہونے کا امکان ہے۔ پروگرام کے لیے درکار کرسیاں، خیمے اور دیگر سامان منتقل کر دیا گیا تھا۔ محکمہ جنرل ایڈمنسٹریشن، آر اینڈ بی، جی ایچ ایم سی اور دیگر محکموں کے عہدیداروں نے انتظامات کئے ہیں۔ لیکن اسے منسوخ کر دیا گیا کیونکہ تلنگانہ کے لیے نئے وزیر اعلیٰ کے انتخاب پر اکوئی اتفاق رائے نہیں ہوسکا تھا۔
