تنخواہ میں کمی اور مالی پریشانی سے دلبرداشتہ ایک شخص نے حیدرآباد میں خودکشی کرلی، جو پیشہ سے ایک شوروم میں مارکٹنگ ایگزیکٹیو کا کام کرتا تھا۔
ادی بٹلہ پولیس حدود میں یہ واقعہ پیش آیا۔ جہاں 26 سالہ ونود نے مالی پریشانیوں سے تنگ آکر اپنے ہاتھوں اور گلے کی نسوں کو کاٹ کر خودکشی کر لی۔
ونود، ابراہیم پٹنم پٹیل گوڑہ علاقہ کا ساکن نرسمہا کا بیٹا تھا جو بنگلور گیٹ پر واقع شوروم میں کام کرتا تھا۔ چند روز سے یہ شخص مالی پریشانیوں کا شکار اور تنخواہ بھی کم ہونے سے پریشان ہوگیا تھا۔ پولیس نے اس معاملے میں کیس درج کرلیا۔
لاک ڈاون کی وجہ کئی لوگ بے روزگار ہوگئے تھے، خاص طور پر دوکانوں اور مالز میں کام کرنے والوں کے علاوہ خاص طور پر یومیہ مزدوروں پر اس بہت برا اثر پڑا۔
