Student Committed Suicide: محبت کے نام پر ہراسانی سے طالبہ نے خودکشی کرلی

بھیمادیورپلی کی رہنے والی این سویتا ڈگری کے سال اول میں زیر تعلیم تھی۔ گزشتہ سال دسہرہ کی تعطیلات سے بھیمادیورپلی منڈل گٹلہ نرسنگ پور کا رہنے والا نوجوان ومسی محبت کے نام پر اسے ہراساں کررہا تھا۔ Degree Student Committed Suicide

ہنمکُنڈہ (تلنگانہ):محبت کے نام پر ہراسانی سے ایک ڈگری کی طالبہ نے خودکشی کرلی۔ یہ واقعہ تلنگانہ کے ہنمکنڈہ ضلع میں پیش آیا۔تفصیلات کے مطابق ضلع کے بھیمادیورپلی کی رہنے والی این سویتا، ڈگری سال اول میں زیر تعلیم تھی۔ گزشتہ سال دسہرہ کی تعطیلات سے بھیمادیورپلی منڈل گٹلہ نرسنگ پور کا رہنے والا نوجوان ومسی محبت کے نام پر سویتا کو پریشان کررہا تھا اور اس سے شادی کرناچاہتا تھا تاہم لڑکی نے اس سے محبت اور شادی سے انکار کر دیا جس کے بعد نوجوان نے سویتا کو ہراساں کرنا شروع کردیا۔ اس ہراسانی سے تنگ آکر سویتا نے گاؤں کی زرعی باؤلی میں چھلانگ لگا کر خودکشی کرلی۔ پولیس نے کہاکہ ومسی اور اس کا ساتھی سویتا کو سیل فون کے ذریعہ ہراساں کر رہے تھے۔ Degree Student Committed Suicide

یواین آئی