G20 Summit 2023 ہر مندوب کے سوٹ پر چاندی کے کونارک چکر

قومی دار الحکومت دہلی میں آج بھارت کی سربراہی میں جی 20 اجلاس کا آغاز ہوا جس میں مختلف ممالک کے صدور اور وزرائے اعظم شرکت کے لئے پہنچ چکے ہیں۔ Konark Chakra has been made part of G-20 summit in New Delhi.

حیدرآباد: سلور فیلیگری آرٹ جس نے تلنگانہ کے کریم نگر شہر کو بین الاقوامی شہرت دلائی وہ ایک بار پھر بین الاقوامی سطح پر کریم نگر کا نام روشن کرنے جا رہا ہے۔ کریم نگر کے سلور فیلیگری فنکاروں کے چاندی سے بنائے ہوئے کونارک چکر کو ہندوستان کے سب سے باوقار جی۔20 اجلاس کا حصہ بنایاگیا ہے۔

قومی دارالحکومت نئی دہلی میں جی 20 سربراہی اجلاس میں شرکت کرنے والے ہر مندوب کے کوٹ پر کونارک چکرا دیکھا جا سکتا ہے۔ کریم نگر میں سلور فیلگیری کا 400 سال پرانا فن ہے۔ چاندی سے بنی ان اشیاء کی ملک اور بیرون ملک کافی مانگ ہے۔ فی الحال، ہندوستان کی میزبانی میں ہونے والے جی۔20 اجلاس میں شرکت کرنے والے غیر ملکی مندوبین میں سے ہر ایک کے سوٹ پر ایک تاریخی پس منظر کونارک چکرا دیکھا جاسکتا ہے۔

گولکنڈہ ہینڈی کرافٹس کریم نگر کی طرف سے کونارک چکروں کو تیار کرنے کا کام کیا گیا ہے۔ فلیگری کاریگروں نے تین مہینوں میں تقریباً 200 کونارک چکر بنائے ہیں اور انہیں ایک ماہ سے بھی کم عرصہ قبل پہنچا دیا ہے۔ سیفاک ادارہ کے جنرل سکریٹری اشوک کمار نے بتایا کہ اگرچہ ہم نے پہلے ہی سلور فلیگری کے فن میں قومی سطح پر کئی ایوارڈس جیتے ہیں تاہم ہمیں اپنے بنائے گئے فنکارانہ کونارک چکروں کو ان غیر ملکی مندوبین کے سامنے پیش کرتے ہوئے بہت خوشی ہو رہی ہے جو دہلی میں ہونے والے بین الاقوامی جی۔20 اجلاس میں شرکت کررہے ہیں۔

یو این آئی