حیدرآباد: مہاراشٹر کے اورنگ آباد ضلع سے شیوسینا کے سینئر لیڈر انا صاحب مانے نے اتوار کو چیف منسٹر کے چندر شیکھر راؤ کی موجودگی میں بھارت راشٹرا سمیتی (بی آر ایس) پارٹی میں شمولیت اختیار کی۔ انا صاحب مانے دو بار ایم ایل اے رہ چکے ہیں۔ کے سی آر نے انہیں گلابی اسکارف پہناکر بی آر ایس میں شامل کیا۔ ان کے ساتھ گنگاپور اسمبلی حلقہ سے سنتوش کمار اور اورنگ آباد نیشنلسٹ کانگریس پارٹی (این سی پی) کے یوتھ صدر کے طور پر خدمات انجام دینے والے پرشانت پاٹل نے بھی بی آر ایس میں شمولیت اختیار کی۔ سنتوش کمار این سی پی کے محنتی لیڈر رہ چکے ہیں، انہوں نے گنگاپور سے الیکشن لڑا اور 82 ہزار ووٹ حاصل کئے تھے۔ اتوار کو بی آر ایس میں شامل ہونے والے لیڈر اورنگ آباد میں سیاسی طور پر بہت مضبوط اور مقبول لیڈر ہیں۔ اس موقع پر ایم ایل اے بالکا سمن اور دیگر قائدین موجود تھے۔
مہاراشٹر میں بی آر ایس پارٹی کی مقبولیت میں مسلسل اضافہ ہورہا ہے اور بی آر ایس میں شامل ہونے والے لیڈروں کا سلسلہ جاری ہے۔ مہاراشٹر کے ناندیڑ اور قندھار لوہا سے شروع ہو کر، بی آر ایس وسطی مہاراشٹر تک پھیلتی جا رہی ہے، اب بی آر ایس پورے مہاراشٹر کے لوگوں کے دلوں میں اپنی جگہ بنا رہی ہے۔بی آر ایس صدر کے سی آر کی قیادت کی مقبولیت قومی سطح پر بڑھ رہی ہے اور مہاراشٹر میں یہ سلسلہ جاری ہے۔ بی آر ایس پارٹی جلد ہی مہاراشٹر کے ہر گاؤں تک پھیلے گی۔ مہاراشٹر کے اورنگ آباد ضلع کے کئی سینئر لیڈروں نے اتوار کو حیدرآباد میں بی آر ایس چیف سی ایم کے سی آر کی موجودگی میں گلابی اسکارف پہن کر پارٹی میں شمولیت اختیار کی۔ بی آر ایس اب مہاراشٹر میں تیزی سے پھیلے گی۔