حیدرآباد:اداکار، سیاست داں اور سماجی کارکن پرکاش راج نے ٹالی ووڈ اور بالی ووڈ میں اپنی منفرد اداکاری سے الگ پہچان بنائی ہے۔ پرکاش راج حکومت مخالف بیان بازی کیلئے اکثر سرخیوں میں بنے رہتے ہیں۔ پرکاش راج ساؤتھ فلم انڈسٹری کے بہترین اداکار تو ہیں ہی ساتھ میں وہ ایک سرگرم سیاست دان بھی ہیں ۔پرکاش راج اپنے بیانات سے آئے روز خبروں میں رہتے ہیں۔ پرکاش راج پی ایم مودی پر تنقید کرنے میں ذرا بھی نہیں ہچکچاتے۔ پرکاش کو بعض اوقات ایسے بیانات کی وجہ سے پورے ملک میں ٹرول ہونا پڑتا ہے جس سے لوگوں کے سماجی اور مذہبی جذبات کو ٹھیس پہنچتی ہے۔ وہیں، کل پرکاش راج نے چاند پر جانے والے چندریان 3 کو لے کر سناتن دھرم سے متعلق ایک بیان دیا تھا، جس کی وجہ سے کچھ لوگ ان سے ناراض ہوگئے تھے اور انہیں اس معاملے میں جان سے مارنے کی دھمکیاں بھی موصول ہوئی تھیں۔ پرکاش راج نے خود دعویٰ کیا ہے کہ انہیں یوٹیوب کے ذریعے دھمکیاں دی گئی ہیں اور ان کے خاندان کے بارے میں بھی غلط بیانی کی گئی ہے۔اس معاملے میں پرکاش راج کو جس یو ٹیوب چینل کے ذریعہ جان سے مارنے کی دھمکی دی گئی ہے،اُس کے خلاف کیس درج کرلیا گیا ہے۔پولیس اس معاملے میں تحقیقات کررہی ہے۔
یہ بھی پڑھیں:'بائیکاٹ گینگ صرف بھونکتے ہیں کاٹتے نہیں'، پرکاش راج
پرکاش راج نے لوک سبھا میں خواتین ریزرویشن بل کی منظوری کے بعد ایک ایکس پر مرکزی حکومت کو نشانہ بنایا تھا۔انھوں نے اسے ایک بھرم ہے۔