حیدرآباد : نو لاکھ روپئے مالیت کا گٹکھا ضبط

ریاست تلنگانہ کے ضلع رنگا ریڈی کے شمس آباد میں پولیس کی اسپیشل آپریشن ٹیم نے گذشتہ شب تقریبا 9لاکھ روپیئے مالیت کا گٹکھا ضبط کرتے ہوے چار افراد کو گرفتار کرلیا ہے ۔

بتا یا جا رہا ہے کہ پولیس کو اس معاملہ کےتحت ایک اطلاع ملی تھی ۔

جس کےبعد پولیس نے شمس آباد آوٹر رنگ روڈ پر گاڑیوں کو روک کر تلاشی لی ۔اور اسی خصوصی تلاشی مہم کے دوران پو لیس نے حیدرآباد سے گنٹور جا رہی ایک لاری کو روک کر اس کی تلاشی شروع کردی ۔

اس خصوصی تلاشی مہم کے دوران پولیس نے گٹکھے کو برآمد کیا ۔

پولیس نے بتا یا کہ یہ گٹکھا کرناٹک کے ضلع بیدر سے آندھرا پردیش لے جایا جا رہا تھا ۔

پولیس نے اس لاری کو شمس آباد ایئر پورٹ پولیس کے حوالے کردیا ہے ۔