حیدرآباد کی مساجد میں یوم جمہوریہ تقاریب

ملک بھر میں 70 ویں یوم جمہوریہ کے موقع پر جوش و خروش سے جشن منایا جارہا ہے جبکہ حیدرآباد میں بھی روایتی جوش و خروش کے ساتھ جشن یوم جمہوریہ منایا گیا۔

حیدرآباد کے قلعہ گولکنڈہ کی مسجد اشرفی میں یوم جمہوریہ تقریب منعقد کی گئی جس میں علما و مشائخ نے شرکت کی۔

تقریب کے موقع پر قومی پرچم کشائی اور قومی گیت گایا گیا جبکہ تقریب میں بلالحاظ مذہب و ملت عوام نے شرکت کی۔

اس موقع پر مولانا محمد معین الدین نے کہا کہ بھارت کی تحریک آزادی مساجد اور مدارس سے شروع ہوئی تھی جبکہ کئی علما جنگ آزادی میں شہید ہوئے ہیں۔