یہ واقعہ تلنگانہ کے بھدراچلم میں پیش آیا۔بتایاجاتا ہے کہ یہ ڈاکٹر سرکاری اسپتال بھداچلم میں خدمات انجام دیتا تھا۔وہ متاثرہ کے مکان پہنچا اور اس کی عصمت دری کی۔
نرس نے پولیس کو بتایا کہ یہ ڈاکٹرگذشتہ چند ہفتوں سے اس کو ہراساں کررہا تھا۔یہ واقعہ اس وقت منظر عام پر آیا جب متاثرہ کے والدین نے بھداچلم ٹاون پولیس سے اس سلسلہ میں شکایت کی۔
پولیس نے ڈاکٹر کے خلاف معاملہ درج کرلیا جو مفرور بتایاجاتا ہے۔اس اسپتال کے ایک عہدیدار نے بتایا کہ ملزم کنٹریکٹ ڈاکٹر تھا جس نے ایف آئی آر درج ہونے کے بعد اپنے عہدہ سے استعفی دے دیا۔اس عہدیدار نے کہاکہ اسپتال میں اس تعلق سے کوئی شکایت نہیں کی گئی۔
اس معاملہ کو علم میں لانے کے بعد فوری طورپر کارروائی کی جائے گی۔سی آئی بھدراچلم ونود ریڈی نے کہا کہ ڈاکٹر کے خلاف تعزیرات ہند کی دفعہ 376کے تحت معاملہ درج کرلیاگیا اور اس کی تلاش شروع کردی گئی۔نرس کو طبی معائنہ کے لئے بھیج دیا گیا۔