مشرقی گوداوری میں سڑک حادثہ، سات افراد ہلاک

بریک فیل ہوگئے اور وین بے قابو ہوکر پہاڑی سے نیچے گرگئی۔

آندھراپردیش کے مشرقی گوداوری ضلع میں شادی کی وین الٹ گئی۔ اس سڑک حادثہ میں7افراد ہلاک ہوگئے۔

کلیانہ وینکٹیشور سوامی مندر کے پاس شادی کی وین الٹ گئی۔

شادی میں شریک ہونے کے بعد صبح3:30 بجے لوگ واپس ہورہے تھے اس دوران یہ حادثہ پیش آیا۔مقامی لوگوں نے بتایا کہ بریک فیل ہوگئے اور وین بے قابو ہوکر پہاڑی سے نیچے گرگئی۔

اس حادثے میں شدید زخمی ہوئےچار افراد کو راجہ مہیندراورم سرکاری اسپتال میں داخل کیا گیا۔ ہلاک شدگان کی شناخت گوکاورم منڈل کے ٹاکرپالیم گاؤں کے رہنے والوں کے طور پر ہوئی ہے۔پولیس مقام حادثے پر پہنچ کر راحت اور بچاو اقدامات کررہی ہے۔