راموجی فاؤنڈیشن کے ذریعے عبداللہ پورمیٹ پولیس اسٹیشن کی جدید بلڈنگ تعمیر ہوگی

راموجی فلم سٹی کے سامنے واقع بستی عبداللہ پورمیٹ پولیس اسٹیشن کے نئے بھون کی تعمیر کے لئے راموجی فاؤنڈیشن آگے آیا ہے۔ دو کروڑ کی لاگت سے یہ بلڈنگ ایک سال کے اندر بن کر تیار ہوجائے گا۔

(حیدرآباد) راموجی فاؤنڈیشن عبداللہ پورمیٹ پولیس اسٹیشن میں جدید سہولیات سے لیس بلڈنگ کی تعمیر کے لئے آگے آیا ہے۔ جمعرات کو نئی بلڈنگ کی تعمیر کے لیے سنگِ بنیاد کے موقع پر تلنگانہ کی وزیر تعلیم سبیتا اندرا ریڈی اور شہری ترقیات کے وزیر ایلابیلی دیاکر راؤ نے اس کا سنگِ بنیاد رکھا۔

عوام کی سہولیات اور حفاظتی پہلوؤں کے مدِنظر تعمیر ہونے والے اس پولیس اسٹیشن پر دو کروڑ روپے خرچ ہوں گے۔ وزیر سبیتا اندرا ریڈی، فاؤنڈیشن ایم ڈی وجیشوری سمیت دیگر لوگوں نے یہاں بھومی پوجن کیا۔ جب کہ ایک سال کے اندر یہ بلڈنگ بن کر تیار ہو جائے گی۔

راموجی راؤ اس فاؤنڈیشن کے ذریعہ سماج کے کاموں میں بڑھ چڑھ کر حصے لیتے ہیں۔ اسی کے تحت فاؤنڈیشن نے عبداللہ پورمیٹ پولیس اسٹیشن کے لئے نئی بلڈنگ کے قیام کے لیے قدم آگے بڑھایا ہے۔

واضح رہے کہ عبداللہ پورمیٹ پولیس اسٹیشن 11 اکتوبر 2017 کو شروع ہوا تھا۔ فی الحال یہ قومی شاہراہ نمبر 65 پر ایک عارضی بلڈنگ میں چل رہا ہے۔ راموجی فاؤنڈیشن کے ذریعے تعمیر ہونے والی بلڈنگ کی تکمیل کے بعد عبداللہ پورمیٹ پولیس اسٹیشن جلد ہی اپنی ذاتی بلڈنگ میں منتقل ہوجائے گا۔