تلنگانہ میں بارش کا سلسلہ جاری، حیدرآباد میں 17.11 ملی میٹر بارش ریکارڈ

تلنگانہ کے دارالحکومت حیدرآباد میں شدید بارش کے سبب عام زندگی مفلوج ہوگئی ہے۔ شہر میں گذشتہ روز 17.11 ملی میٹر بارش ریکارڈ کی گئی۔ سب سے زیادہ بارش نواحی علاقہ کاپرا میں درج کی گئی ہے۔

تلنگانہ میں مسلسل بارش کاسلسلہ جاری ہے۔ ریاست کے دارالحکومت حیدرآباد میں شدید بارش کے سبب عام زندگی مفلوج ہوگئی ہے۔ شہر میں گذشتہ روز17.11 ملی میٹر بارش ریکارڈ کی گئی۔ سب سے زیادہ بارش نواحی علاقہ کاپرا میں درج کی گئی ہے۔

حیدرآباد کے پرانے شہر کے ساتھ ساتھ نئے شہر کے علاقے حمایت نگر، آصف نگر، قطب اللہ پور، سکندرآباد اور اُپل میں بھی شدید بارش ہوئی ہے جس کے نتیجہ میں درجہ حرارت میں کافی گراوٹ آئی ہے۔ شہر میں جمعرات کے روز درجہ حرارت 22.6 ڈگری سلسیس درج کیاگیا۔

تلنگانہ کے متعدد اضلاع میں بھی بارش کا سلسلہ جاری ہے، جس کے نتیجہ میں کئی تالاب، آبی ذخائر اور اہم پروجیکٹس لبریز ہوگئے ہیں، آبی سطح میں مسلسل اضافے کا سلسلہ جاری ہے۔

نرساپور میں 233.5 ملی میٹر بارش ریکارڈ کی گئی ہے، نظام آباد اور عادل آباد میں بھی شدید بارش ہوئی۔ بارش کی وجہ سے سڑکوں پر بڑے پیمانہ پر پانی جمع ہونے کی شکایات ملی ہیں جس کے سبب راہگیروں اور گاڑی سواروں کو شدید مشکلات کا سامنا کرنا پڑ رہا ہے۔