حیدرآباد کے پرانا شہر کے ساتھ ساتھ سکندرآباد، ایل بی نگر، ملکاجگری، بیگم پیٹ اور دیگر علاقوں میں شدید بارش ہوئی۔ حیدرآباد کے حیات نگر میں 5.0 سنٹی میٹر بارش ریکارڈ کی گئی۔ کئی سڑکوں پر بڑے پیمانہ پرپانی جمع ہوگیا اور صبح کے اوقات میں دفاتر کو جانے والوں کو شدید مشکلات کا سامنا کرناپڑا۔
تلنگانہ کے مختلف علاقوں میں بارش کا سلسلہ جاری - حیدرآباد کے پرانا شہر
خلیج بنگال میں ہوا کے کم دباو کے زیراثرتلنگانہ کے دارالحکومت حیدرآباد کے ساتھ ساتھ ریاست کے کئی مقامات پر بارش ہوئی۔ راجناسرسلہ ضلع کے پیدور میں 13 سنٹی میٹربارش ہوئی۔ اشوا راو پیٹ، ٹیکومٹلہ، پُٹاپہاڑ علاقہ میں 10 سنٹی میٹر بارش درج کی گئی۔
تلنگانہ کے مختلف علاقوں میں بارش کا سلسلہ جاری
یہ بھی پڑھیں: 'پولیس مسلسل قربانی کے جانوروں کو روک رہی ہے'
گریٹرحیدرآباد میونسپل کارپوریشن کے اہل کاروں نے چوکسی کا مظاہرہ کرتے ہوئے کئی مقامات پر بارش کے پانی کی نکاسی کا کام انجام دیا۔بارش کی وجہ سے عام زندگی مفلوج ہوگئی۔ بارش کے ساتھ ہی حیدرآباد کے کئی مقامات پر بجلی کی سپلائی میں رکاوٹ کی بھی اطلاعات ملی ہیں۔