تلنگانہ میں بڑھتے کورونا کے معاملات کے پیش نظر رچہ کنڈہ پولیس نے حالت نشہ میں شراب پینے والے افراد کے خلاف چلائی جارہی مہم کو روک دیا ہے۔
پولیس نے اس تشویش کا اظہار کیا کہ بریتھ انالائزر کے ذریعہ جانچ کرنے پر کورونا کے مثبت معاملات میں اضافہ کا امکان ہے۔
کوویڈ 19کے مثبت معاملات میں اضافہ نے پولیس اور عوام کو تشویش میں مبتلاکردیا ہے۔اسی کے پیش نظر رچہ کنڈہ پولیس نے حالت نشہ میں گاڑیاں چلانے والے افراد کے خلاف جاری اپنی مہم روک دی۔
پولیس کا ماننا ہے کہ حالت نشہ میں گاڑیاں چلانے والے افراد کے خلاف چلائی جارہی مہم کے دوران کورونا کے معاملات میں اضافہ کا خدشہ ہے۔
جسمانی فاصلہ کی برقراری کے ذریعہ یہ معائنہ کرنا پولیس کے لئے مشکل بن گیا ہے۔اسی لئے اس پر روک لگانے کافیصلہ کیاگیاہے۔
تلنگانہ کے دارالحکومت میں کورونا کی دوسری لہر کافی شدید ہے اور ہزاروں افراد کورونا سے متاثر ہیں جس کے پیش نظر اس کمشنریٹ نے پولیس کی سلامتی کے لئے حالت نشہ میں گاڑیاں چلانے والے افراد کے خلاف جاری اس مہم کو عارضی طورپر روک دینے کا فیصلہ کیا۔
