صدر کل ہند مجلس اتحادلمسلمین بیرسٹر اسد الدین اویسی نے اپنے ٹویٹر پر مقام کی تبدیلی کی اطلاع دی۔ اسد الدین اویسی نے چار جنوری کو ایک احتجاجی جلسے سے خطاب کرتے ہوئے ترنگا مارچ اور کل ہند مشاعرے کا اعلان کیا تھا، لیکن پولیس کی جانب سے اس کی اجازت نہیں دی گئی۔
پولیس نے متبادل مقام کی نشاندہی کرتے ہوئے خلوت میدان میں مشاعرے کی اجازت دے دی۔ اس مشاعرے میں ملک کے نامور شعراء کو مدعو کیا گیا ہے۔
مشاعرے کے سلسلے میں ابھی وقت کے تعین کے متعلق واضح اطلاع نہیں ہے کہ پولیس نے مشاعرے کی اجازت دی ہے یا پرچم کشائی کی بھی، کیوںکہ اسد اویسی نے اس مشاعرے کے بعد 26 جنوری کی اولین ساعتوں میں(رات 12بجے )ترنگا لہرانے کا بھی اعلان کیا تھا۔ جن کہ عموما مشاعروں کے اختتام کا وقت ہوتا ہے۔ آج بی جے پی کے صدر نے ایک وفد کے ہمراہ پولیس کمشنر سے ملاقات کرتے ہوئے اس مشاعرے کی منسوخی کا مطالبہ کیا تھا، جس کے بعد پولیس کی جانب سے مقام کی تبدیلی کی گئی۔