دہلی فساد کے خلاف حیدرآباد میں احتجاج

دہلی میں پیش آئے پرتشدد واقعات کے خلاف حیدرآباد کی تاریخی مکہ مسجد کے قریب نماز جمعہ کے بعد نوجوانوں نے احتجاج کیا۔

نماز جمعہ سے فراغت کے بعد مکہ مسجد کے قریب کچھ نوجوانوں نے مخالف مرکزی بی جے پی حکومت اور مخالف دہلی پولیس نعرے لگائے تاہم پولیس نے انہیں منتشر کردیا۔

مظاہرین نے الزام لگایا کہ مرکزی حکومت کی پشت پناہی میں غیرسماجی عناصر نے مسلمانوں کو چن چن کر نشانہ بنایا ہے اور جس کی وجہ سے کافی جان و مال کا نقصان ہوا ہے۔ مظاہرین کا یہ بھی ماننا تھا کہ دہلی پولیس نے تین دنوں تک بدمعاشوں کو کھلے عام تباہی مچانے کی مبینہ طور اجازت دی۔

واضح رہے کہ حیدرآباد کے پرانے شہر میں پولیس کی جانب سے سخت سیکوریٹی انتظامات کئے گئے ہیں اور چار مینار کے اطراف و اکناف ریپڈ ایکشن فورس و تلنگانہ اسپیشل پولیس کے علاوہ پانی کی توپیں تیار رکھی گئی تھیں لیکن ان کے استعمال کی ضرورت پیش نہیں آئی۔