عالمی اردو کانفرنس کی تیاری

تلنگانہ اسٹیٹ اردو اکیڈمی نے عالمی اردو کانفرنس کے انعقاد کا اعلان کیا ہے۔ جلد ہی اس سلسلے میں ایک کمیٹی تشکیل دی جائے گی۔

صدر نشین اردو اکیڈمی رحیم الدین انصاری و ڈائریکٹر و سیکریٹری تلنگانہ اردو اکیڈمی نے اس سلسلے میں ای ٹی وی بھارت سے بات کرتے ہوئے تفصیلات سے واقف کروایا۔

انہوں نے بتایا کہ ممکنہ طور پر اکیڈمی اپریل میں اس کے انعقاد کا منصوبہ بنا رہی ہے۔ اردو اکیڈمی سنہ 2017 سے عالمی اردو کانفرنس کے انعقاد کی جد و جہد کر رہی ہے تاہم اب تک اس کا انعقاد عمل میں نہیں آ سکا۔

ڈائرکٹر اردو اکیڈمی ڈاکٹر محمد غوث نے کہا کہ جلد ہی اس سلسلے میں ماہرین پر مشتمل ایک کمیٹی کا قیام عمل میں لایا جائے گا تاکہ کانفرنس کے امور ترتیب دیے جاسکیں۔

انہوں نےمزید بتایا کہ ریاست کی تشکیل کے بعد سے ہی تلنگانہ اردو اکیڈمی عالمی اردو کانفرنس کے انعقاد کے لیے کوشاں ہے تاہم اب اس کو عملی جامہ پہنانے کے لیے حتمی کاروائی کی جا رہی ہے۔