ناگرجناساگر ڈیم میں بجلی کی پیداوار روک دی گئی

تلنگانہ اور آندھراپردیش میں کرشنا ندی کے پانی سے متعلق تنازعہ چل رہا ہے۔ آندھراپردیش نے اس خصوص میں کرشناریوربورڈ سے شکایت کرتے ہوئے کہا تھا کہ اس پروجیکٹ میں کم پانی ہونے کے باوجود تلنگانہ حکومت بجلی کی پیداوار کررہی ہے۔

تلنگانہ کے ناگرجناساگر ڈیم میں بجلی کی پیداوار بجلی کی کمپنی تلنگانہ جینکو نے روک دی ہے۔

گزشتہ ماہ کی 29تاریخ سے ناگرجناساگر میں بجلی کی پیداوار کا کام کیاجارہا تھا۔11دنوں میں 30ملین یونٹ بجلی کی پیداوار جینکو نے کی۔

اس مسئلہ پر دونوں تلگوریاستوں تلنگانہ اور آندھراپردیش میں تنازعہ چل رہا ہے۔پڑوسی ریاست آندھراپردیش نے اس خصوص میں کرشناریوربورڈ سے شکایت کرتے ہوئے کہا تھا کہ اس پروجیکٹ میں کم پانی ہونے کے باوجود تلنگانہ حکومت بجلی کی پیداوار کررہی ہے۔

اے پی نے اس سلسلہ میں مرکزی حکومت کو بھی مکتوب روانہ کیا تھاتاہم دوسری طرف تلنگانہ کا یہ ماننا ہے کہ قواعد کی مطابق تلنگانہ کی جانب سے بجلی کی پیداوار کا کام کیاجارہا ہے۔تلنگانہ نے اے پی کے رائل سیما لفٹ اریگیشن پروجیکٹ کی تعمیر کو غیر قانونی قراردیتے ہوئے اس کو روکنے کا مطالبہ کیا۔

یواین آئی