حیدرآباد اے ٹی ایم چوری، چار رکنی گروہ گرفتار

ریاست تلنگانہ کے دارالحکومت میں 7 مئی کو ہوئی اے ٹی ایم چوری کے سلسلے میں پولیس نے چار رکنی گروہ کو گرفتار کیا ہے۔

ونستھلی پورم میں پناما چوراہے پر چار ماہ قبل اے ٹی ایم مشینوں میں رقم جمع کرنے والے عملہ کی توجہ ہٹاکر گاڑی سے تقریباً 70 لاکھ روپئے کا سرقہ کرنے والی چار رکنی گروہ کو ایل بی نگر پولیس نے گرفتار کرلیا۔

اطلاعات کے مطابق اے ٹی ایم سنٹروں پر مشینوں میں رقم جمع کرنے والی گاڑی جیسے ہی ونستھلی پورم علاقہ پہونچی اور اس گاڑی سے رقم نکال کر قریب میں واقع ایکسیس بنک کے اے ٹی ایم میں رقم بھری جارہی تھی کہ اسی دوران عملہ کی توجہ ہٹاکر گاڑی سے 70 لاکھ روپئے لوٹ لئے گئے تھے۔واقعہ کی اطلاع پولیس کو دی گئی جس کے بعد پولیس نے سی سی ٹی وی فوٹیج کی مدد سے ملزمیحن کی نشاندہی کی اور انہیں گرفتار کرنے کےلیے 6 ٹیمیں تشکیل دیں۔مسلسل چار ماہ کی جدوجہد آخر کار رنگ لائی اور پولیس نے چار رکنی ٹولی کو تمل ناڈو سے گرفتار کرلیا۔پولیس کے مطابق ان افراد کے قبضہ سے تقریباً 4 لاکھ روپئے اور گاڑی ضبط کرلی ہے۔آج رچہ کنٹہ کے کمشنر مہیش بھگوت نے میڈیا سے بات کرتے ہوئے کیس کی تفصیلات سے واقف کروایا۔