سڑک بحال کرنے کے لئے سپریم کورٹ میں عرضی

تلنگانہ کے سکندرآباد کی کنٹونمنٹ سڑک کی بندش کے خلاف سپریم کورٹ میں درخواست دائر کردی گئی ہے۔

سینئر شہری انوپ کمار نے فوجی حکام کے ذریعہ سکندرآباد میں کنٹونمنٹ روڈ کو بند کرنے کے خلاف سپریم کورٹ میں درخواست دائر کی ہے۔ انوپ کمار نے عرضی میں کہا کہ کنٹونمنٹ روڈ کی بندش سے لاکھوں افراد متاثر ہورہے ہیں۔

درخواست گزار کا کہنا تھا کہ فوجی حکام کو اتنے لوگوں کی حالت زار پر کوئی افسوس نہیں ہے۔ سپریم کورٹ نے اس کیس کو سماعت کے لئے قبول کیا۔ معلوم ہوا ہے کہ اس سے قبل تلنگانہ کے وزیر کے ٹی راماراو نے اس تعلق سے وزیردفاع راج ناتھ سنگھ کو ایک خط لکھا تھا۔