Paddy Procurement in Telangana: تلنگانہ میں دھان کی خریداری بہتر طریقہ سے جاری

ٹی آرایس کے رکن قانون ساز کونسل راجیشور ریڈی نے کہا کہ ریاست تلنگانہ میں دھان کی خریداری بہتر طریقہ سے جاری ہے۔کسانوں کو کسی بھی قسم کی پریشانی نہ ہونے پائے اس کا خیال رکھتے ہوئے دھان کی خریداری کی جارہی ہے۔ Paddy Procurement in Telangana

رکن قانون ساز کونسل راجیشور ریڈی نے اسمبلی کے احاطہ میں واقع ٹی آر ایس مقننہ پارٹی کے دفتر میں ایم ایل اے بلکا سمن کے ساتھ میڈیا سے بات کرتے ہوئے ریونت ریڈی کے اس الزام کومسترد کردیا جس میں انہوں نے کہا تھا کہ کسانوں کو دھان کی فروخت میں مشکل صورتحال کا سامناکرناپڑرہا ہے۔ Paddy Procurement in Telangana انہوں نے برہمی کا اظہار کرتے ہوئے کہا کہ ریاست میں کسانوں کی خودکشی کے واقعات پر صدرپی سی سی ریونت ریڈی دروغ گوئی سے کام لے رہے ہیں۔ریاست میں 8ہزارکسانوں کی خودکشی کا جھوٹ ریونت ریڈی نے بولا ہے۔راجیشورنے کہاکہ لوک سبھامیں مرکزی حکومت نے دعوی کیا ہے کہ تلنگانہ میں کسانوں کی خودکشی کے واقعات میں کمی ہوئی ہے۔ انہوں نے کہاکہ سال 2014سے اب تک دھان کی کیسے خریداری کی گئی ہے،اپوزیشن اس سے ناواقف ہے۔ 2020-21 میں ایف سی آئی کو 141.1 لاکھ میٹرک ٹن دھان فروخت کی گئی تھی۔

یواین آئی