تلنگانہ وزیر کی آمد کے خلاف عثمانیہ یونیورسٹی کے طلبہ کا احتجاج

بہوجن طلبہ تنظیم نے یہ احتجاج کیا جس کے نتیجہ میں کچھ دیر کے لیے کشیدگی پھیل گئی۔ طلبہ نے اس موقع پر حکومت کے خلاف نعرے بازی کی اور الزام لگایا کہ سرکاری ملازمتوں کو پُر کرنے کے لئے تقرری کے اعلامیہ کی اجرائی نہ کرنے والی ریاستی حکومت کے وزیر کو عثمانیہ یونیورسٹی میں داخل ہونے کا کوئی اختیار نہیں ہے۔

حیدرآباد کی مشہور عثمانیہ یونیورسٹی میں اسپورٹس کامپلکس کی سنگ بنیاد تقریب میں شرکت کے لیے آنے والے تلنگانہ کے وزیر سرینواس گوڑ اور حکمران جماعت ٹی آر ایس کے رہنماؤں کے خلاف طلبا نے احتجاج کیا۔

بہوجن طلبا تنظیم نے یہ احتجاج کیا جس کے نتیجہ میں کچھ دیر کے لیے کشیدگی پھیل گئی۔ ان طلبا نے اس موقع پر حکومت کے خلاف نعرے بازی کی اور الزام لگایا کہ سرکاری ملازمتوں کو پُر کرنے کے لئے تقرری کے اعلامیہ کی اجرائی نہ کرنے والی ریاستی حکومت کے وزیر کو عثمانیہ یونیورسٹی میں داخل ہونے کا کوئی اختیار نہیں ہے۔

ان طلبا نے ہاتھوں میں پلے کارڈز تھام کر حکومت کے خلاف نعرے بازی کی۔ انہوں نے مطالبہ کیا کہ ملازمتوں کو پُر کرنے کے لئے اعلامیہ فوری طور پر جاری کیا جائے، کیونکہ ریاست کے اہلیت رکھنے والے کئی طلبا اس کے منتظر ہیں۔ اس موقع پر پولیس اور ان طلبا میں بحث وتکرار بھی ہوئی۔ بعد ازاں پولیس نے ان احتجاجیوں کو حراست میں لے کر پولیس اسٹیشن منتقل کردیا۔

یو این آئی