NSUI Protest in Hyderabad: حیدرآباد میں راج بھون کا محاصرہ کرنے این ایس یو آئی کی کوشش

این ایس یو آئی کے کارکنوں نے ای ڈی کی جانب سے راہل گاندھی سے پوچھ گچھ پر شدید برہمی کا اظہار کیا اور اسے مخاصمت والی سیاست سے تعبیر کیا۔ NSUI Protest in Hyderabad

آل انڈیا کانگریس کمیٹی اور تلنگانہ کانگریس کی اپیل پر کانگریس کی طلبہ تنظیم این ایس یو آئی کی جانب سے حیدرآباد میں راج بھون کے گھیراو کی کوشش کی گئی۔این ایس یو آئی کے کارکن، ہاتھوں میں پلے کارڈس تھامے این ایس یو آئی کے صدر وی بالاموری کی قیادت میں راج بھون کی سمت مارچ کرنے لگے۔بعد ازاں راج بھون کی گیٹ کے سامنے دھرنا دینے لگے۔آج صبح کی اولین ساعتوں میں دیئے گئے اس دھرنے میں این ایس یو آئی کے کارکنوں کی بڑی تعداد نے حصہ لیا جنہوں نے ای ڈی کی جانب سے راہل گاندھی سے پوچھ گچھ پر شدید برہمی کا اظہار کیا اور اسے مخاصمت والی سیاست سے تعبیر کیا۔انہوں نے راہل گاندھی کی حمایت میں نعرے بازی کی۔اس احتجاج کےسبب کچھ دیر کے لئے ہلکی کشیدگی پھیل گئی۔ NSUI Protest in Hyderabad

یواین آئی