'دسمبرسے پانی کا بل نہیں لیں گے'

تلنگانہ کے وزیراعلی کے سی آر نے کہا، گریٹر حیدرآباد حدود میں20 ہزار لیٹر تک پانی استفادہ کرنے والے شہریوں سے پانی کا بل نہیں لیا جائے گا۔

تلنگانہ کے وزیر اعلی کے چندرشیکھر راو نے کہا کہ حیدرآباد کی عوام کو ڈسمبرسے پینے کے پانی کا بل ادا کرنے کی ضرورت نہیں ہے۔ جی ایچ ایم سی الیکشن کےلیے ٹی آرایس کے منشور میں یہ وعدہ کیا گیا ہے۔

اس ضمن میں وزیراعلی کے سی آر نے کہا گریٹر حیدرآباد حدود میں20 ہزار لیٹر تک پانی استفادہ کرنے والے شہریوں سے پانی کا بل نہیں لیا جائے گا۔

کے سی آر نے کہا کہ آئندہ اس منصوبے کو ریاست کے تمام بلدیات میں بھی لاگو کیا جائے گا۔

اس کے علاوہ مینی فیسٹو میں ریاستی سطح پر دھوبی گھاٹ سیلونز اور لانڈریز کو مفت بجلی دینے کا وعدہ کیا گیا ہے۔