تلنگانہ کے وزیر زراعت نے فروٹ مارکٹ کا معائنہ کیا

تلنگانہ کے وزیر زراعت سنگی ریڈی نرنجن ریڈی نے آج شہر حیدرآباد کی آوٹر رنگ روڈ کے قریب واقع کوہیڈا علاقہ کی فروٹ مارکٹ کا معائنہ کیا۔

کوتہ پیٹ کی موجودہ مارکٹ کو جلد ہی کوہیڈا منتقل کردیاجائے گا، موسمی پھلوں کے ساتھ آنے والی لاریوں بالخصوص آم کے لوڈ کے ساتھ آنے والی لاریاں گذشتہ اس مارکٹ کو آئیں گی۔ اس مارکٹ کے کوہیڈا منتقل ہونے کے بعد ایل بی نگر اور دلسکھ نگر کے درمیان کی مصروف ترین روڈ پر ٹریفک میں کمی ہوسکے گی۔

مارکٹنگ ڈپارٹمنٹ نے اس مارکٹ کو 65 لاکھ روپئے کے صرفہ سے تعمیر کیا ہے اور پہلے ہی دو شیڈس ڈالے گئے ہیں جبکہ تیسرے شیڈ کی تعمیر کا کام جاری ہے۔