Hyderabad Man Buys Most Expensive Supercar بھارت کی سب سے مہنگی سپر کار حیدرآباد پہنچی، جانیں کون ہے خریدار؟

بھارت کی سب سے مہنگی سپر کاروں میں سے ایک McLaren 765 LT Spyder، جس کی قیمت 12 کروڑ روپے ہے، حال ہی میں اسے حیدرآباد کے ایک شخص نے خریدا ہے۔ Hyderabad man buys India's most expensive supercar

حیدرآباد: شہر حیدرآباد جسے نوابوں کے شہر کی حیثیت سے شناخت حاصل ہے اور نوابی شوق کے لیے بھی مشہور ہے۔ میڈیا رپورٹس کے مطابق حیدرآباد کے ایک تاجر تاجر نصیر خاں عرف محمد نصیرالدین نے مہنگی سپر کاروں میں سے ایک کو خرید کر سب کو حیرت میں ڈال دیا۔ نصیرالدین McLaren 765 LT Spyder کے غالباً بھارت کے پہلے خریدار ہیں۔ محمد نصیرالدین کو McLaren 765 LT Spider سپر کار حال ہی میں تاج فلک نما پیالس میں ڈیلیوری کی گئی جس کی قیمت 12 کروڑ روپے ہے۔ Naseer Khan buys India's expensive supercar at Rs 12 cr

میڈیا رپورٹس کے مطابق بھارت میں یہ سپر کار 12 کروڑ روپے میں فروخت کے لیے دستیاب ہے۔دعویٰ کیا جارہا ہے نصیر خاں 765 LT Spider حاصل کرنے والے بھارت کے پہلے شخص ہیں۔ نصیر خاں نے انسٹگرام پر اس قیمتی کار کے ساتھ اپنی تصویر پوسٹ کی۔ سرخ رنگ کی یہ قیمتی کار حاصل کرتے ہوئے انہوں نے ایک تاریخی مقام پر کار کی ڈیلیوری حاصل کرنے کو خوش آئند قرار دیا۔

McLaren کمپنی کی جانب سے تیارکردہ یہ ایک منفرد کار ہے۔ کار کی خصوصیت یہ ہے کہ اس کا چھت صرف 11 سکنڈ میں کھل سکتا ہے۔ کار میں 4.0 لیٹر ٹوئن ٹربو چارجڈ V8 پٹرول انجن ہے۔ نصیر خاں نے خود کو کار کلکٹر اور انٹر پرینر قرار دیا ہے اور سوشیل میڈیا پر کئی لکژری کاروں کے ساتھ ان کی تصاویر موجود ہے۔ نصیر خاں عرف محمد نصیرالدین کنگس گروپ آف کمپنیز کے ڈائرکٹر ہیں۔ یہ کمپنی حیدرآباد میں رئیل اسٹیٹ کا کاروبار کرتی ہے۔ نصیر خاں کے والد شاہنواز کنگس گروپ آف کمپنیز کے مالک ہیں۔ نصیر خاں کے پاس پہلے سے جو قیمتی گاڑیاں موجود ہیں، ان میں Rolls-Royce Cullinan, Mercedes G53D, Shelby Mustang, Ferrari 812 Superfast, Lamborghini Ventador, Ferrari 488 GTB, Lamborghini Huracan, Lamborghini Urus, Rolls-Royce Ghost شامل ہیں۔