تلگو دیشم کے قومی جنرل سکریٹری نارا لوکیش نے کہا کہ حکومت ان کے خلاف سیلاب زدگان کی عیادت کرنے جانے پر کیسز درج کررہی ہے۔
نارا لوکیش نے اس ضمن میں کہا کہ انہیں اس کی پرواہ نہیں ہے کہ حکومت ان کے خلاف کتنے مقدمات درج کرتی ہے۔ انہوں نے کہا کہ وہ ہر گاؤں میں جاکر مصیبت میں پھنسے لوگوں کے آنسو صاف کریں گے اور ہر موڑ پر ان کی پریشانیوں کو سنیں گے اور ان کی مدد کی پوری کوشش کریں گے۔
لوکیش نے کہا کہ کسانوں کو سہارا دینا، ان کے لئے لڑنا اور انصاف کا مطالبہ کرنا جگن موہن ریڈی کی نظر میں جرم ہے۔
آندھراپردیش میں جگن حکومت اور تلگودیشم رہنماوں کی جھڑپ کئی بارہوچکی ہے۔ تلگو دیشم رہنما اور کارکن یہ الزام لگاتے آرہے ہیں کہ حکومت ان کے خلاف جھوٹے کیسز درج کررہی ہے اور پولیس کو استعمال کرکے مخالفین کو دبانے کی کوشش کررہی ہے۔
یہ بھی پڑھیں:بی جے پی امیدوار کے رشتے دار کے گھر پر پولیس کا چھاپہ