'مسلمان گھروں میں نماز ادا کریں'

جنوبی ہند کی مایہ ناز دینی درسگاہ جامعہ نظامیہ میں مختلف مکاتب و فکر کے مفتیان، علمائے کرام اور طبی ماہرین کا ایک اجلاس منعقد ہوا۔

جامعہ نظامیہ میں منعقدہ اجلاس میں کورونا وائرس کی تباہ کن صورتحال کے پس منظر میں شرعی امور پر غور و خوض کے لیے ایک اجلاس منعقد کیا گیا جس میں طبی ماہرین نے علما کرائم کو کووڈ-19 کی خطرناک صورتحال سے واقف کروایا۔

اجلاس میں کافی غور و خوض کے بعد علمائے کرام اور مفتیان حضرات نے مسلمانوں کو احتیاطی تدابیر اختیار کرنے پر زور دیتے ہوئے گھروں میں نماز ادا کرنے کا مشورہ دیا۔

اس موقعے پر مفتیان کرام نے یہ بھی کہا کہ مساجد کو مکمل طور پر مقفل نہ کیا جائے بلکہ چند لوگ ملک کر نماز ادا کریں۔

ائمہ و خطبا حضرات سے بھی کہا گیا کہ بقدر ضرورت نماز اور خطبات جمعہ کو مختصر رکھیں۔

صدر مجلس اتحاد السملمین و رکن پارلیمنٹ بیرسٹر اسدالدین اویسی نے مفتیان و علما کرام کے فیصلہ کا خیرمقدم کیا ہے۔