منور فاروقی نے ممبئی میں بھی اپنا پروگرام کیا تھا اور اب وہ حیدرآباد میں پرفارم کرنے جا رہے ہیں۔
انہوں نے اس بات کا اعلان اپنی انسٹا گرام پوسٹ سے کیا Munawar Faruqui Instagram جس میں انہوں نے اپنے شو کا نام دھندو رکھا ہے۔ یہ شو 9 جنوری کو ہونے والا ہے۔ انہوں نے اس شو کے ٹکٹ کا لنک بھی شئیر کیا۔ اس شوکے مقام کا ہنوز اعلان نہیں کیا گیا ہے۔
قبل ازیں تلنگانہ کے وزیر تارک راما راو نے کہا تھا کہ حیدرآباد کاسما پولیٹن شہر ہے جہاں مختلف علاقوں کے لوگ بستے ہیں۔ انہوں نے کامیڈین کو اپنا شو یہاں کرنے کی دعوت دی تھی۔
انہوں نے مزید کہا تھا کہ ہم محض اس لئے منور فاروقی اور کنال کامرا کے شو منسوخ نہیں کریں گے کیونکہ ہم ان سے سیاسی اعتبارسے ہم آہنگ نہیں ہیں۔
دائیں بازو کے گروپس کے احتجاج کے بعد بنگلور میں فاروقی کے شوکو نومبر میں منسوخ کر دیا گیا تھا۔ ساتھ ہی گجرات، گڑ گاؤں، چھتیس گڑھ اور گوا میں بھی ہندوتوا گروپس کی دھمکیوں پر ان کے شو کو منسوخ کر دیا گیا تھا۔