'لاک ڈاؤن میں ماہ رمضان کیسے گزاریں'

معروف عالم دین مولانا مفتی صادق محی الدین نے عوام کو پیغام دیا کہ لاک ڈاؤن کے باوجود نوجوان سڑکوں پر نظر آرہے ہیں جو قانوناً اور شرعاً جائز نہیں ہے۔

معروف عالم دین مولانا مفتی صادق محی الدین نے عوام کو رمضان المبارک میں اپنے معمولات میں تبدیلی لانے اور اللہ کی جانب رجوع کرنے کی تلقین کی اور کہا کہ ہمیں اللہ پاک نے بہترین وقت میں رمضان عطا فرمایا ہے۔

جس سے فائدہ اٹھا کر ہم اللہ کو راضی کر سکتے ہیں، بجائے لہو لعب کے تلاوت و ذکر و اذکار کا اہتمام کر سکتے ہیں۔

انہوں نے نوجوانی کو زیادہ سے زیادہ تلاوت کرنے کی تاکید کی۔

تراویح کو رمضان کی خاص عبادت قرار دیتے ہوئے مولانا نے کہا کہ لاک ڈاؤن کے باوجود نماز تراویح کو ترک نہ کریں بلکہ گھروں میں باجماعت نماز تراویح کا اہتمام کریں۔

مفتی صادق محی الدین نے کہا کہ ہم اللہ سے گڑگڑا کر اس وائرس کے خاتمے کی دعا کریں تو ممکن ہے کہ اللہ ہمیں اس وباء سے نجات دے۔