ماں اور بیٹے کا قتل کرکے لاشوں کو جلایا

ریاست تلنگانہ کے ضلع سنگاریڈی میں ماں اور بیٹے کا قتل کرکے لاشوں کو جلادینے کا دل دہلادینے والا واقعہ پیش آیا۔

پولیس کے مطابق 28 سالہ کویتا اور اس کے 4 سالہ بیٹے دنیش کا نامعلوم افرادنے بدھ کی شب حملہ کرتے ہوئے قتل کردیا۔

بعد ازاں ان افرادنے ان دونوں کی لاشوں پر مٹی کا تیل ڈال کر ان کو آگ لگادی۔

اس واقعہ سے ضلع کے کاسرگُٹی گاؤں کے عوام میں تشویش کا ماحول ہے۔

پولیس نے اس سلسلہ میں ایک معاملہ درج کرکے مختلف زاویوں سے جانچ شروع کردی۔

پولیس نے شبہ ظاہر کیا کہ ان کو قتل کرنے سے پہلے ان کی پٹائی کی گئی اور اس کے پیچھے خاتون کے قریبی ارکان خاندان کا ہاتھ ہے۔