گاڑی تیز چلانے پر اعتراض کرنے والے شخص کا قتل

ایک نوجوان کے گاڑی تیز چلانے پر اعتراض کرتے ہوئے احتیاط برتنے کا مشورہ دینے والے شخص کو اپنی جان سے ہاتھ دھونا پڑا۔

تفصیلات کے مطابق تلنگانہ کے منچریال ضلع کے بیلم پلی میں رحیم الدین نامی شخص جن کا تعلق مہاراشٹر سے بتایا گیا, لاری ڈرائیور ہے ۔

وہ لاری کے ساتھ سامان لے کر بیلم پلی پہنچے۔اس دوران بیلم پلی کا رہنے والا سریدھر اپنی موٹر بائیک پر برق رفتار سے لاری کو اوور ٹیک کرتے ہوئے آگے بڑھ گیا جس پر رحیم الدین نے سریدھر کے گاڑی تیز چلانے پر اعتراض کیا۔

برہم سریدھر بیچ سڑک پر اپنی گاڑی پارک کرتے ہوئے لاری پر چڑھ گیا اور لاری ڈرائیور پر حملہ کردیا۔سریدھر نے رحیم الدین کے سینہ پر گھونسے مارے جس کے نتیجے میں رحیم الدین ہلاک ہوگئے۔